Health Tips:  उन्हाळ्यात अंगावर येणारा घाम, भूक मंदावणे, पचन शक्ती मंदावते, सतत तहान तहान होणे, थकवा, त्वचेला स्निग्धतेची गरज भासते, डिहायड्रेशन, हिट स्ट्रोक, अशक्तपणा त्यामुळे आपला आहार कमी होतो व आपली रोगप्रतिबंधक शक्ती मंदावते. क्षारांचे प्रमाण कमी होऊन चक्कर येऊ शकते. सनबर्न, घामोळ्यासारखे त्वचा विकार इ. प्रकारचे आजार दिसतात.

• उन्हाळ्याच्या दिवसांमध्ये आहारामध्ये खालील गोष्टीचा समावेश करावा :

1. शरीरातील पाण्याचे संतुलन राखण्यासाठी पाणी, पाण्यात वाळा, मोगरा, पुदिना इ. वस्तूंचा वापर करून पाणी प्यावे.
2. कॉफी, चहा यांसारख्या उत्तेजक पेयांचा वापर टाळून आहारात नारळाचे पाणी, ताक, लिंबूपाणी, बार्लीचे पाणी यांचा वापर करावा.
3. आहारात तेलकट, मसाल्याचे पदार्थ टाळावेत.
4. आहारामध्ये सुंठ, सैंधव, जीरे, ओवा यांसारखा पदार्थांचा वापर करावा- ज्यामुळे पचनास मदत होईल. 
5. तहान लागावी म्हणून धणे, जिरे यांचे पाणी, कोकम सरबत, पन्हे यांचा वापर करावा. कोल्डड्रिंक्सचा वापर टाळावा.
6.  पाणीयुक्त फळे उदा. खरबूज, कलिंगड, जाम, करवंदे यांचा वापर करावा.
7. आहारात पाणीयुक्त भाज्या, काकडी, पालेभाज्या, पुदिना, टोमॅटो, कांदा यांचा वापर करावा.
8. आहारात प्रथिनांसाठी उन्हाळ्यामध्ये मोड आलेली कडधान्ये, डाळींचा वापर करावा.
9. उन्हाळ्यामध्ये बदाम, काळ्या मनुका, सुके अंजीर, जर्दाळू यांसारख्या सुक्यामेव्याचा वापर करावा.
10. रात्रीचा आहार हलका असावा. त्यामध्ये कढी, सार, खिचडी, पालेभाजी-आमटी, दहीभात यांसारख्या पदार्थांचा समावेश करावा.
11. दिवसभरात १५-१६ ग्लास पाणी प्यावे.
12. माठातले पाणी प्यावे.

हेही पाहा >> Mental health: मानसिकदृष्ट्या मजबूत राहा. या सोप्या स्टेप्स करा फॉलो

उन्हाळ्यासाठी काही पेये घ्यावीत 

• लिंबू/ आवळा/ कोकम/ पन्हे यांसारखी सरबते
• मठ्ठा
• ताक
• उसाचा रस.

हेही पाहा >> लॅपटॉप वापराताना काळजी घ्या नाहीतर…

लवकरात लवकर आपडेटसाठी 

JOIN TELEGRAM CHANNEL

JOIN WHATSAPP GROUP massage Updates marathi on 9975327830