कृषी पंतप्रधान नरेंद्र मोदी यांच्या अध्यक्षतेखालील आर्थिक घडामोडींच्या मंत्रिमंडळ समितीने सेंद्रिय उत्पादने, बियाणे आणि निर्यातीला प्रोत्साहन देण्यासाठी तीन नवीन सहकारी संस्थांच्या स्थापनेला मंजुरी दिली आहे.
राष्ट्रीय स्तरावरील बहु-राज्य सहकारी सेंद्रिय सोसायटी स्थापन करण्याच्या प्रस्तावालाही मंत्रिमंडळाने मंजुरी दिली. ही सोसायटी सेंद्रिय उत्पादनांचे एकत्रीकरण, खरेदी, ब्रँडिंग आणि विपणन यासाठी काम करेल.
केंद्रीय मंत्री भूपेंद्र यादव म्हणाले की, बहु-राज्य सहकारी निर्यात सोसायटीमुळे जागतिक बाजारपेठेत भारतीय सहकारी संस्थांची निर्यात क्षमता वाढेल. ही समिती देशांतर्गत आणि जागतिक बाजारपेठेतील सेंद्रिय उत्पादनांची मागणी पूर्ण करण्यासाठी मदत करेल. केंद्राच्या या निर्णयामुळे सहकार समित्या आणि शेतकऱ्यांना त्यांच्या सेंद्रिय उत्पादनांची चांगली किंमत मिळेल.